Parole ed emozioni di Rosario Ruggiero

 

Acqua e vino

 

Straordinaria virtù la trasfigurazione poetica; può fare di realtà, anche insospettabili ed umilissime, inimmaginate generatrici, o depositarie, di stupori, nostalgie, reminiscenze, rimpianti. E allora persino poche gocce di una semplice bevanda, che sia acqua o vino, riusciranno a dar luogo a profonde riflessioni esistenziali o a palpitanti malinconie d’amore se osservate da ispirata sensibilità di artista, come quella di Eduardo De Filippo, come quella di Eduardo De Biase.

 

E allora bevo…

 

Dint’’a butteglia

n’atu rito ’e vino

è rimasto…

Embè

che fa

m’’o guardo?

M’’o tengo mente

e dico:

«Me l’astipo

e dimane m’’o bevo?»

Dimane nun esiste.

E ’o juorno primma,

siccome se n’è gghiuto,

manco esiste.

Esiste sulamente

stu mumento

’e chistu rito ’e vino int’’a butteglia.

E che ffaccio,

m’’o perdo?

Che ne parlammo a ffà!

Si m’’o perdesse

manc’’a butteglia me perdunarrìa.

E allora bevo…

E chistu surz’’e vino

vence ’a partita cu l’eternità!

 

                                            Eduardo De Filippo  

 

Dint’’o bicchiere

 

Lassame pe’ favore, int’’o bicchiere,

dduje surze d’acqua, addo’ mo bive tu,

ce voglio assapurà tutt’’e penziere,

capì si ’o bene tujo nun ce sta cchiù!

 

Voglio cercà ’e sapé si siente ancora

pe’ mme, comm’ a ’na vota, ammore eterno,

o’ si p’’o core è ll’ora d’’a cuntrora,

si aggia cantà o… scennere all’inferno!

 

Pecché nun rire, staje preoccupata?

nun vvuò da’ ll’acqua a me ca moro ’e sete?

certo chesta è ’na bella carugnata…

nun turmentà ’e buttune, cu’’sti ddete!

 

Statte tranquilla, oj’ ne’, statte sicura,

aggio capito, nun so’ nato ajere,

nun tengo sete, nun avè appaura,

lascio ’e segrete dint’a ’stu bicchiere!

 

                                                          Eduardo De Biase 

  

Condividi su Facebook